Davao City – Arestado ang giilang Top 8 drug watchlist sa Davao Region human gikasa sa mga sakop sa Bunawan Police Station ang drug buy bust operation sa Purok Capricorn, Brgy. Lasang, Bunawan District.
Giila ang dinakpan nga si alyas Iyok, 39-anyos, Top 8 drug watchlist ug residente sa Purok 3, Brgy. Salvacion, Panabo City.
Nakuha sa posisyon sa mga suspek ang usa ka pakete sa gituohang shabu ug nakuhaan sa laing tulo pa ka mga pakete nga adunay gibug-aton nga 20.34 grams ug nagkantidad sa kapin P138,312 pesos.
Sa karon, himas rehas ang mga dinakpan ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: DCPO)