An Brgy. Togbongon nasab an nakapahimuyos nan People’s Day Program na tagdaya nan City Government sa liderato ni Mayor Pablo Yves L. Dumlao II, kahapon, August 15, 2023.
Brgy. Togbongon an ika-48 na barangay na nakasinati nan ubay ubay na serbisyo gikan sa lain lain na opisina sanan ahensya.
Tagsugdan sa mubo na programa, sa presenya ni City Councilor Christopher Bonite, City Councilor Joeniel Aldonza kaiban sab an City Sports and Youth Consultant Karl Casurra nga nagpakita nan dako na suporta sa programa sa ubos na liderato ni Mayor Paul Dumlao.
Natagam-taman nan Brgy. Togbongon an isa ka adlaw na pagpanhatag nan nagkalahi lahi na serbisyo na tagkinahanglan gajud nan mga residente sa Brgy. Togbongon.
Nagmakugihon gihapon sa paghatag nan serbisyo an mga empleyado, mga miyembro nan tagsa tagsa ka mga national line agencies, mga lideres nan organisasyon sa dedikasyon nga matuman an Serbisyong Pulido ug Dekalidad para sa tanang lumulopyo sa Brgy. Togbongon.
(Source: Surigao City PIO Facebook page)
