Arestado sa mga tinugyanan sa kapulisan sa Mainit an 58 anyos na layaki human kini nangawat nan punuan sa lubi na gipanag-ijahan ni Elizabeth Po residente sa Purok Mabuhay, Brgy. Matin-ao, Mainit, Surigao del Norte.
Nakilay-an an suspek nga si Eddie Buhi Madrona, 58 anyos na layaki, residente sa nahisgutang lugar.
Sa imbestigasyon sa kapulisan nasayran na an suspek nagpagabas nan kapin kon kuyang 30 ka punoan sa lubi na gibana-bana ug 3,000 ka board feet sa kantidad P30, 000 ka pesos.
Basi sa gisaysay sa suspek nga ija ini nahimo gumikan kay jaoy sija utang na kinahanglan mabayran.
Mag atubang sa kasong Qualified Theft an suspek ug jaon kuman sa kustodiya sa Mainit MPS alang sa tukmang disposisyon. (Mark James Lisondra)