Dili mominos sa P6 milyones ang gibiling danyo sa nahitabong sunog sa usa ka bonega didto sa Sitio Cawit, Barangay Ermita, dakbayan sa Sugbo, kagahapon sa kadalawon, Agosto 29, 2024.
Nadawat sa Cebu City Fire Department ang alarma sa sunog pasado alas 3:00 sa kadlawon nga niabot og pipila ka oras usa kini napawong.
Sa nasayran nga ang maong bodega adunay sulod nga mga nagkalain-laing paninda sama sa saging, ketchup, suka, ug uban pa. Gipanag-iya kini sa tulo ka mga kasosyo sa negosyo nga sila Saldy Vicente, Jeffrey Estrada ug usa ka certain Taguro nga maoy tag-iya sa maong bodega.
Lakip usab nasunog ang mga hinuktang manok, truck de karga, duka ka motorsiklo alahas ug mga kwarta.
Sa pagakakaron nagpadayon ang imbestigasyon sa kabomberohan pinanguluhan ni Fire Investigator F03 Fulbert Navarro aron pagsuta kung unsay hinungdan s amaong dakong sunog. (Renante Lada)