Arestado an 49 anyos na layaki human kini nakuhaan nan shabu atol sa pag gi-implementar nan Search Warrant pinaagi sa mga personahe sa Drug Enforcement Unit sa Surigao City Police Station kagahapong adlawa Enero 27, 2025 sa may Purok 5, Sitio Tangbangkaan, Brgy. Orok, Surigao City sa alas 8:45 an takna sa buntag.
Giila an na aresto nga si Percibal Pacilan Sanglitan, “alias Jinggoy”, 49 anyos na layaki residente sa nahisgutang lugar. Na aresto isab an live in partner nga si Perlie Paular Dahang, “alias Gaga”, 43 anyos na babaje, human kini gilabay isa ka balde na may suyod sa ginadili na droga likod sa ila bayay.
Nakompiskar sa posisyon sa suspek an dose (12) ka pakite sa gituohang shabu nga gibana-bana motimbang sa kapin kon kuyang 10 grams sa kantidad P68, 000 ka pesos ug mga non drug paraphernalia.
An Search Warrant gi-isyu ni HON. Ferdinand R. Villanueva, Acting Executive Judge sa RTC branch 29, Surigao City penetsahan Enero 22, 2025. An suspek nga si Percibal Pacilan Sanglitan mag atubang sa kasong paglapas sa RA no. 9165 hampan an live in partner an mag atubang sa Obstruction of Justice.
Sa pagka kuman an mga na arestong mga suspek an jaon sa kustodiya sa Surigao City Police Station.
News and photo courtesy: Mark James Lisondra