Nagmalampuson gayud ang gipahigayon nga labing unang Serbisyong SMILE sa Barangay (SSB) sa Purok 1 Sitio Salimama, Barangay Datal Anggas, Alabel, Sarangani Province, Sabado sa hapon, Enero 25, 2025.
Gipangunahan ni Mayor Vic Paul M. Salarda, MPA ang pinasahi nga aktibidad asa gidala sa Lokal nga Panggamhanan sa Alabel ang nagkalain-laing serbisyo ngadto mismo duol sa tugkaran sa katawhan asa serbisyo medikal ug nutrisyon, mga serbisyo sa agrikultura, empleyo, rehistro sa mga sertipiko sa kapanganakan ug uban pang dokomentong sibil, libre nga tuli, libre nga ibot ngipon, libre nga gupit, ug libre nga kasal.
Kini nga mga aktibidad, kabahin sa programa sa Lokal nga Panggamhanan sa Alabel nga namugna sa administrasyon ni Mayor Salarda inubanan sa mga myembro sa 14th Sangguniang Bayan sa Alabel.
Sa mensahe ni Mayor Vic Paul Salarda, atul sa seremonyas sa kasal, gipasalamatan niya ang tanan nga nahimo kabahin sa pagpahigayon sa SSB sa Purok 1 Salimama. Taliwala nga Sabado, anaa gihapon naghatud og serbisyo publiko.
Nalipay si Mayor Salarda sa kabag-ohan, panaghiusa ug kalambuan sa Sitio Salimama ug entero Datal Anggas, busa gidasig niya ang katawhan nga mamahimong kaabag sa mapadayunon pa nga kalampusan ug mapanalipdan kanunay ang kinaiyahan.
Nagpahinumdum ang amahan sa lungsod ngadto sa mga gikasal nga dili gayud wagtangon ang gugma, kinaiya sa pagpasaylo, ug pagpasalamat, paeskwelahon ug giyahan sa maayong ugma ang mga kabataan, ug likayan ang bisyo makadaut sa lawas.
Anaa sa aktibidad si Former Municipal Administrator Lilibeth “Ybing” J. Salarda, inubanan nila Municipal Vice Mayor Lente “Jun” L. Salway Jr., ug mga myembro sa 14th Sangguniang Bayan sa Alabel nga sila Municipal Councilor Ferdinand Rey Flores, Municipal Councilor Joel
Aton, Municipal Councilor Paul Villamora, ug PPSK President Al Hannecca Pulalon. Anaa usab ang presensya nila Former Municipal Agriculturist Enriquito Daguplo, Danilo A. Jabilles Jr., nga misrepresentar kay Municipal Councilor Danny Jabilles Sr., Municipal Civil Registrar Engr. Cesar Gingoyon Jr., ug mga myembro sa Barangay Affairs, kapulisan, kasundalohan ug uban pang mga empleyado sa munisipyo.
Hilabi usab ang pagpasalamat sa Lokal nga Panggamhanan sa Alabel ngadto sa nga opisyales sa Barangay Council sa Datal Anggas nga gipangunahan ni Punong Barangay Franklin Baan, ug sa mga opisyales sa Purok 1 Salimama nga gipangunahan ni Purok Chairperson Venancio Mariano.