Gidaya sa Caraga Regional Hospital an 11 an batang babaje human kini aksidenting nadasmagan sa bao-bao nga nahitabo kagahapong adlawa Disyembre 1, 2024 sa may Navarro St. Brgy. Taft, partikular sa Namces sa alas 6:35 nan duyom.
Giila an driver sa bao-bao nga si Juan Patan Jovita, 46 anyos na layaki, live-in partner, driver, residente sa Purok 5, Brgy. San Pedro, Sison, Surigao del Norte.
Basi sa imbestigasyon sa kapulisan nasayra nga samtang nag biyahe an bao-bao sa nahisgutang lugar kalit nga miloko sa tuo sa dihang may isa motorsiklo an kalit nga mi-uturn nga nag una sa ija ug deretso an bao-bao sa kilid karsada ug aksidenting nadasmagan an bata nga nag tindog ug natumba sa sementadong dayan nga naka angkon nan samad sa lawas.
Sa pagka kuman an driver an jaon sa kustodiya sa Surigao City Police Station hinuon nagka sabot ra an duha ka partido na abagan an gasto sa hospital (Mark James Lisondra)