Patay ang usa ka 4-anyos nga bata human maligsan sa usa ka Ford Ranger pasado alas 5:15 sa hapon, Nobiyembre 29, 2024, sa Barangay Valencia, Alegria, Sugbo.
Ang biktima giila sa Alegria Police Station na mao si Zhamera Delostrico, residente sa maong lugar. Samtang drayber naila usab nga si Dandin Lanzuela Faeldonia, 42-anyos, residente sa Tres De Abril St., Barangay Labangon, Cebu City.
Sumala sa imbestigasyon sa Alegria Police Station, nagmaneho si Faeldonia padulong sa lungsod apan wala niya mabantayi ang bata nga naglakaw daplin sa kalsada, hinungdan nga naligsan kini.
Gidala pa ang bata sa tambalanan apan gideklarar kini nga dead on arrival sa mga doktor. Padayon pang gina-imbestigahan ang insidente aron masuta ang uban pang detalye. (Renante Socia Lada)