Opisyal nga gi-turn over sa Bureau of Fire Protection ang brand-new firetruck ngadto sa LGU-Sison kaganinang buntag didto sa BFP National Headquarters, Quezon City. Inubanan ni 𝐂𝐨𝐧𝐠. 𝐀𝐜𝐞 𝐒. 𝐁𝐚𝐫𝐛𝐞𝐫𝐬 ug atong 𝐅𝐢𝐫𝐞 𝐌𝐚𝐫𝐬𝐡𝐚𝐥𝐥 𝐑𝐞𝐲𝐧𝐚𝐥𝐝𝐨 𝐕 𝐃𝐚𝐧𝐠𝐚𝐭𝐞, gidawat ni Mayor Karissa R. Fetalvero-Paronia ang Ceremonial Key nga nagsimbolo sa pagpasa sa responsibilidad sa maong firetruck.
Nanguna sa turn-over ceremony sina 𝐃𝐈𝐋𝐆 𝐒𝐞𝐜𝐫𝐞𝐭𝐚𝐫𝐲 𝐁𝐞𝐧𝐣𝐚𝐦𝐢𝐧 𝐂. 𝐀𝐛𝐚𝐥𝐨𝐬, 𝐉𝐫., 𝐒𝐞𝐧𝐚𝐭𝐨𝐫 𝐒𝐨𝐧𝐧𝐲 𝐌. 𝐀𝐧𝐠𝐚𝐫𝐚, ug 𝐅𝐢𝐫𝐞 𝐂𝐡𝐢𝐞𝐟 𝐋𝐨𝐮𝐢𝐞 𝐒 𝐏𝐮𝐫𝐚𝐜𝐚𝐧 diin 74 ka firetruck ang gipanghatag sa nagkalain-laing LGU.
Sa 1,201 ka firetrucks nga gikinahanglan sa nasud ug sa 1,122 nga gikinahanglang pulihan na, usa ang Sison sa mga napili nga hatagan. Kini tungod sa way hunong nga pagpaningkamot ug follow-up ni Mayor K sa mga opisyales sa BFP, lakip na ang dakong tabang ni BFP Caraga Regional Director, 𝐂𝐒𝐮𝐩𝐭 𝐅𝐫𝐞𝐝 𝐋𝐢𝐧𝐚𝐳𝐚𝐧 𝐓𝐫𝐚𝐣𝐞𝐫𝐚𝐬, 𝐉𝐫.
SALAMAT KARADJAW Bureau of Fire Protection sa inyong kanunay nga paghatud ug dekalidad nga serbisyo sa Sison!
(Source: Sison on the Rise Facebook page)