Padayon karon ang gihimo nga imbestigasiyon sa Mandaue City Police Office may labot sa paglabay sa usa ka puya nga bata nga napalgan gahapong adlawa, Pebrero 24, 2023, didto sa usa ka septic tank sa Cebu International Convention Center (CICC) nga nahimutang sa Baranagay Guizo, Siyudad sa Mandaue.
Susihon sa MCPO kung si kinsa ang inahan nga way puangod nga nilabay sa usa ka bata didto sa septic tank nga wala nay kinabuhi. Mahinumduman nga napalgan ni Roel Moreno ang driver sa usa ka Septic Tank Services nga nag habwa atong higayuna ang usa ka puya.
Gibana-bana ang maong puya nga bata sa kapulisna nga anaa na sa usa ka semana ang nakalabay ug paingon na kini sa pagka dugta.
Ang CICC gihimo kini karon nga evacuation center sa mga na biktima sa sunog sa taas na katuigan human usab naguba sa kusog nga linog niadtong 2013. (Renante Lada, photo courtesy of MCPO)