Dawa nagin nang magayon an panahon sa Camarines Sur dae pinaagihan kaso udma Pebrero 23, 2023 an Brgy. San Vicente-Bacolod Spillway sa banwaan kan Bato huli sa langkaw kan level nin tubig.
Segun sa pahayag ni Bacolod Brgy. Kapitan Fernando Elpedes sinabi kaini na minababa pa an mga natipon na tubig hali sa probinsya nin Albay huli sa catch basin kan banwaan, kun saen mayo man dakul na uran sa camarines sur nadag-dagan an lebel kan tubid kun mauran sa kataed na probinsya.
Kun kaya problemado si mga paraoma, dae pa man nakakatanom an kadaklan sainda huli sa baka malapa giraray arog kan nakaaging Disyembre, igua man kutang tabang nin abono an Dept. of Agriculture Bicol alagad kadaklan sa mga umahan matubig pa man, dugang pa digdi an tambak na mga water lilies.
Pangadyi-on ninda na magdagos-dagos nang magayon na panahon sa Albay asin Camarines Sur o entering Bicol para makapag-poon na an mga paraoma sa pagtanom nin paroy. (Jv Navarro Verdeflor Jr. via MDRRMO Bato, CamSur)