Dili pa makadeklarar an Bureau of Fire Protection kon electrical short circuit ba ang hinungdan sa sunog sa Cuizon Lodge kagabii, Agosto 12, 2021.
Sumala pa ni Fire Inspector Abel Dubduban, City Fire Marshall na tuyo ka oras an ila pakigkumbati sa sunog. Nadawat nila ang alarma alas 11:50 sa kagabhion, pagka alas 11:55 midangat sila sa lugar nga miulbo na an kayajo sa lodging house nga mahimitang sa Purok 8, P. Reyes kanto Narciso streets, Brgy. Taft, Surigao City.
Gipanag-iya ni Jurita Cuizon Asegurado ang lodging house. Gibanabana nga anaa sa 1,596,000 pesos an damage sa sunog.
Alas 12:15 sa kaadlawon nakontrolar na sa kabombirohan an sunog hangtud nga kini napayong alas 2:45 sa kaadlawon. Waya na makatabok sa silingan an sunog tungod kay mga sementado nga dingding an silingan niini.
Sa pahayag sa usa sa mga trabahante na si Tetet Entenia, diha siya sa ground floor sa Cuizon Lodge siya nahimutang niadtong higayona ug didto sa isa ka kuwarto nga sumala pa may naka check-in an didto nagsugod an kayajo. Sa pagkakuman dugang imbestigasyon an ipahigayon sa Bureau of Fire Protection ilabina sa mga nakasaksi sa panghitabo. (RPN DXKS Surigao with Roland Ancla Legaspi)