Radio Philippines Network
DYKC Cebu News Provincial News

Sunog Sa Brgy. Inayawan, Dakbayan Sa Sugbo Miugdaw Og 25 Ka Balay

Cebu City- Miabot o 25 ka balay ang naugdaw samtang labing minos 30 ka pamilya sa sityo Isla Verde, brgy. Inayawan, Cebu City kagahapon sa hapon.

Si FO2 Emerson Arceo, imbestigador sa kabomberohan, mibanabana sa danyos sa sunog ngadto sa 200 mil pesos.

Bisan gisusi pa nila ang tukmang hinungdan sa sunog apan si Arceo nagtuo nga overload circuit sa koryente ang nakaingon tungod kay anaa ra man sa balay ang kadaghanan sa mga tawo.

Wala usab niya isalikway ang kainit sa panahon nga usa sa  nakatampo sa pagdako sa sunog.

Nadawat sa kabomberohan ang alarma alas 12:40 sa udto ug giisa sa second alarm pagka ala 1:12 sa hapon.

Unya pagka ala 1:37 nakontrolar ug pagka ala 1:57 sa hapon napawong na.

Wala hinuoy naangol o nakalas sa nahisgotang trahedya.

Matod ni FO2 Arceo, ang mga nasunogan temporaryo lang unang gipapasilong sa barangay gym sa Inayawan.

Subay niini, gipahinumdoman niya  ang publiko nga susihon kanunay ang mga linya sa koryente ilabi na kadtong dugay nang naestalar.

Related posts

Report on Campaign Against Loose Firearms (Kontra Boga) at Brgy. Poblacion, Sibuco, Zamboanga del Norte

RPN

Dep-Ed Iriga Padagos Sa Pag-Ako Nin Late Enrollees

RPN

PHL Coast Guard To Host Open-House Tour Of Two Ships

RPN News