Tanggong na sa custodial facility sa General Santos City Police Office-Station 2 ang duha ka mga personalidad nga naaresto gumikan sa paghupot og nagkadaiyang kalibre sa armas ug bala, atol sa gimuntar nga security checkpoint, ning Biyernes sa hapon, May 7.
Giila sa GSCPO ang mga naarestong suspeks nga silang PSSG Abdul Gani Mapandi Macadla, naka-assign sa Esperanza Municipal Police Station sa Sultan Kudarat ug ex-PO1 Warden Kusain Legawan nga residente sa President Quirino, Sultan Kudarat.
Subay sa impormasyon, samtang nagpahigayon og security checkpoint ang tropa sa kapulisan sa bahin sa national highway sa Barangay Apopong, nadiskubrehan ang maong assorted short ug long firearms, sulod sa sakyanan sa mga suspeks.
Napakyas matod pang makapakita og igong dokumento ang duha, hinungdan nga gilayon silang giaresto.
Kasong “Unlawful possession of Firearms and Ammunition” ang nakatakdang ipasangat nga kaso sa mga nasampit. (John Rey Somido)
(contributed photo | General Santos City Police Office)