Pebrero 26, 2019 sa tagpahigayon an ika-124 regular session nan Sangguniang Panlalawigan sa Surigao Del Norte, nahigustan an isyu nan mga tag-sugyot na posisyon sa staff nan mga board members na private secretary.
Sa nahibaw-an tag-disallow o waya itugot nan DBM Caraga sa budget. Sitwasyon na tag-kwestion ni Board Member Larong kung may otoridad ba an DBM na magpugong sa aksyon nan Sangguniang Panlalawigan pinaagi sa isa ka ordinansa. Matod pa ni Board Member Larong na dili sakto na mosumite an Sanggunian sa opinyon nan DBM Caraga ug angay na ipa-implementar an tignuha nga nakalatid sa ordinansa.
Tagsulti ni Board Member Garcia, chairperson sa committee on finance budget and appropriation na sa ija mga pakisusi pipila ka mga probinsiya pareho nan Cebu an nagpahimutang nan private secretary na posisyon dili lamang isa kun dili duha sa kada bokal. Sa kinaulihan nag mosyon si Board Member Arcillas na awhagan an personnel office nan probinsiya na isumite na ngadto sa Civil Service Commission an mga appointment papers para mahibaw-an an posisyon nan ahensiya sa isyu.
Tagduso isab ngadto sa committee on public utilities para sa pag-repaso an Surigao City ordinance nga naghatag otorisasyon kan Mayor Ernesto Matugas na mopirma ug mo-suyod sa lease agreement tali na sa Philippine Primark Properties Incorporated para pag-lease sanan re-develop sa Surigao City Public Market.
