DAVAO CITY- Gitakda nang madawat sa mga DATU BAGO Awardee 2019 ang labing taas nga pasidungog nga ihatag sa lokal nga Kagamhanan sa syudad karong umaabot nga Marso 8 ning tuiga isip kabahin sa aktibidad sa ika- 82 nga kasaulugan sa Araw ng Dabaw.
Sumala pa ni Konsehal Pilar Braga kinsa mao ang Datu Bago Awardees President atol sa Regular Session sa konseho nga ang mga napili nga pipila ka mga individual nakahatag ug dakong kontribusyon sa kaayuhan ug dugang kalambuan sa dakbayan sa Davao.
Ang mga hintungdan naglangkob nila ni Koronado Apuzen nga usa ka abogado kinsa nagtabang sa katawhan pinaagi sa paghatag sa iyang serbisyo isip manlalaban, Ines Mallari nga usa ka 3rd generation war-displaced Japanese descendant, Mary Ann Montemayor nga usa ka Multi-Awarded Entrepreneur and Socio-Civic leader sa dakbayan sa Davao, Datu Rodolfo Mande nga lider sa Matigsalog Tribe nga naggikan sa Marilog District kinsa nangulo sa pagpromotar sa Indigenous and Culturte ug Antonio Partoza Jr. nga usa ka Visionary entrepreneur and Philanthropist.
