Davao del Norte: Sa TAGUM, Mikabat na sa 456 ang Persons Under Monitoring ug 8 ang Persons Under Investigation. Gani, usa na ka pasyente gikan sa Davao de Oro nga positibo sa coronavirus nga diha naconfine sa Davao Regional Medical Center sa Apokon, Tagum City. Subo usab nga pamalandungon nga usa ka person under investigation gikan sa Davao del Norte namatay na. Gihulat lang ang resulta kung negatibo o positibo kini sa coronavirus.
Kini mao ang mga rason nganong atong himoong mas strikto ang Community Quarantine sa Tagum City.
MGA NADUNGAG NA POLISIYA
—Mahimong mas istrikto ang atong curfew gikan alas 9 sa gabii hangtod alas 5 sa buntag. Dakpon sa atong kapulisan ang mulapas sa atong curfew ug temporary nga i-kustodiya sa Police Station. Ang mga madakpan nga minors usab ibutang sa Center for Justice and Transformation. Among pasakahan ug kasong kriminal ang mga ginikanan sa mga minors na madakpan.
—Indefinite na ang suspension sa atong Night Market operation.
—Suspendido na ang operasyon sa inland resorts, bingo, online gambling games facilities ug mga sabungan.
—Suspendido usab ang operasyon sa tanang internet café sa Tagum.
—Suspendindo ang operasyon sa tanang malls. Ang magpabilin nga abli lang sa mga malls mao ang ilang supermarket, hardware ug pharmacy. Dapat sarado na ang mga malls by 7 PM.
—Sarado na dapat ang tanang mga business establishments sa Tagum by 9 PM except ang mga botika ug uban pang health-related establishments.
KABAHIN SA SURVEILLANCE AND MONITORING SA MGA BOUNDARIES SA TAGUM
Kabahin sa surveillance and monitoring, among gipahimangnuan na mahimong strikto ang atoang COVID-19 Multi-Agency Monitoring and Surveillance Station sa mga entry points sa Tagum. Kini paga-dumalaan sa mga personahe sa City Health Office, SMO, TMO, PNP ug AFP. Kini nahimutang sa Barangay Bincungan, San Miguel, Pagsabangan, Cuambogan, San Isidro, New Balamban ug Apokon.
Mahimong taas ang proseso sa atoang mga checkpoints aron malikayan ang pagkuyanap sa COVID diri sa atoang dakbayan. Ato ng lauman ang buildup sa mga sakyanan pasulod sa Tagum. Busa kung wala kamoy importanteng buhaton sulod ug gawas sa Tagum, pagpuyo mo sa inyong mga panimalay.
Dili namo pasudlon sa Tagum ang mga indibidwal na dili makapasa sa amoang screening process. Ipailalom sa standard operating procedure ang mga Tagumenyos nga ming-balik gikan sa laing lugar sa Davao del Norte nga mupakita ug sintomas.
Kung ikaw adunay body temperature na 37.5 o ubos pa, makasulod ka sa Tagum. Pero kung ikaw adunay body temperature na 37.6 degrees celsius, pafill-apon mo namo ug Case Investigation Form. Kini i-evaluate sa among mga medical professionals nga maoy mudetermine kung ikaw Person Under Monitoring o PUM nga taga Tagum, ihatod mo namo sa inyong balay ug ikaw mu-undergo ug mandatory 14-day self-quarantine. Kung ikaw dili residente sa Tagum, ihatod mo namo sa inyong mga panimalay.
Pero kung ikaw ma-classify as PUI, among tawagon ang Davao Regional Medical Center aron kamo mabutang sa Infectious Diseases Isolation Facility.
CALL FOR ACTION
Busa among usabon: kung wala kamoy importanteng buhaton sulod ug gawas sa Tagum, pagpuyo mo sa inyong mga panimalay.
Mga kaigsuunan, 14 days lang ang effectivity sa atong Executive Order. 14 days to save you and your family, 14 days to save the community, 14 days to save the Philippines, and 14 days to save the world. Ang atong sakripisyo makatabang sa pagsulbad sa problema. Wala kita kabalo kung kinsa ang nagdala sa virus ug kinsa ang wala. Busa, magpakabana. Do you part.
Source CIO Tagum