Davao del Sur: Hingpit nang gipatuman sa tibuok rehiyon onse ang Total LockDown gumikan sa nagpadayong hulga sa Corona Virus disease 2019 nga mikuyanap na sa nagkalain-laing dapit sa tibuok Nasud.
Mao kini ang nasabutan atol sa gihimong panaghisgot sa sa upat ka mga Gobernador sa rehiyon uban ni Davao city Mayor Inday Sara Duterte kinsa maoy gitudlo manguna sa Davao Region.
Gisugdan sa pagpatuman ang Total LockDown alas Dose sa tungang gabii sa Marso 19, 2020 ug matapos sa Abril 01, 2020 nga molungtad ug katorse (14) ka adlaw.
Nia ang mga sumbanan nga angayang tumanon sa ipatuman nga Total LockDown sa Rehiyon Onse:
WALAY bisan kinsa nga tugutang makasud sa Davao region, EXCEPT sa mga sakyanan sa cargo nga may usa ka drayber, WALAY assistants.
Ang cargo maglangkub sa mga hayop
Mga vehicle assistants mamahimong mag-unload sa checkpoint aron maghuwat sa sakyanan nga mobalik ug mobiya sa Davao Region.
Ang 10ID ug PROXI magsiguro sa dapit alang sa proteksiyon sa katawhan ug cargo nga mobiyahe
Bisan kinsa mamahimong mogawas sa Rehiyon, apan dili na pwede nga mobalik pa samtang anaa pa ang LockDown Period.
Dugang sa mga pahimangno ni Davao City Mayor Inday Sara Duterte
– Pwede ra magbiyahe basta within Region 11 lang gyud, makalapos-lapos ra
– Sa mga nagasakay og public transport, maintain 1 meter distance, WEAR MASK, Mandatory.
– wala pay ipatuman nga pagpaundang sa trabaho
– sa karun wala pay mando nga pasirhan ang mga business establishment.
– ayaw mo og gawas sa balay, tabang na na ninyo sa gobyerno.
– goods gikan gawas sa Davao region, ibilin sa checkpoint, kuhaon sa laing truck arun makasulod sa davao region, tagbuon o salaon nalang
– open ang exit, pede makagawas sa Davao Region pero di namo kabalik for the next 14 days
– SPMC dili tugutan nga modawat og pasyente gawas sa Davao region within 14days. Kadtong dunay mga pasyente, sulod namu daan nga wa pay March 19
– manghatag ang gobyerno og improvised mask sugod karung adlawa.
“Huna hunaon nato nga kining pag-antos nani, is saving a lot of life… hugasi pirmi inyong kamot with soap ug maintain social distance,” ni Mayor Sara Duterte.