Gideklarar sa konseho sa dakbayan sa Sugbo ang gitawag og state of preparedness taliwa sa hulga sa posibleng pagsud sa novel coronavirus kun nCov.
Gani, aduna pay duha ka tawo nga padayong gimonitor sa mga tinugyanan sa panglawas sa pagtuo nga nagda kini sa naasoyng sakit samtang kadtong 5 anyos nga bata negatibo na sa virus.
Si Konsehal David Tumulak, nga chairperson sa committee disaster risk reduction management, miingon nga ang Wuhan coronavirus nga natala sa ubang bahin sa kalibotan posible nga mada usab nganhi sa Sugbo ug mokatap.
Matod ni Tumulak, pinaagi sa deklarasyon sa state of preparedness, ang siyudad ang angus a pagpangitag paagi unsaon nga mapugngan ang pagsud ug pagkuyanap sa nCoV.
Pinaagi usab sa state of preparedness akagamit ang gobyerno sa pundo nga para kalamidad aron ipamalit og dugang PPE kun personal protective equipment, pag-umol og precautionary measures, ug pagseguro nga andam ang mga tambalanan pag-handle sa kompirmadong kaso sa 2019 nCoV.
Giawhag sa konseho ang tanang establisimento, gikan sa mol ngadto sa simbahan, pagsagop og mga panagang batok sa pagkatap sa virus.
Giagni usab nila ang Department of Health (DOH) pagpagawas og guidelines nga matamdan sa publiko sa angayng buhaton kon aduna nay kompirmadong kaso sa bag-ong strain sa coronavirus.
