Gi awhag ni Cebu Archbishop Jose Palma ang mga pari nga mopakalawat gamit ang kamot inay nga ilargo sa baba sa manimbahay panahon sa mga misa isip paagi nga kalikayan ang 2019 novel coronavirus kun nCoV.
Sumala pa ni Palma, ang samang pamaagi giimplementar usab bisan niadtong wala pa mabaniog ang nCoV, ilabi na dihang mitumaw ang outbreak SARS-CoV kun severe acute respiratory syndrome-related coronavirusniadtong 2001.
Matod ni Palma, nakiglambigit na siya sa Catholic Bishops Conference of the Philippines kun CBCP alang sa posibleng pag-isyo og pastoral letter sa maong katuyoan.
Hinuon, gipatin-aw ni Palma nga ang pagpangalawat usa ka paagi sa pagpakita sa debosyon sa Makagagahom sa walay pag-isip sa pamaagi sa pagdawat sa ostiya.
Midugang ang arsobispo nga nakiglabigit pod siya sa DOH kun Department of Health aron makakuha og dugang impormasyon bahin sa virus.
Gawas niini, miingon si Palma nga moluwat siyag Oratio Imperata o special prayer batok sa 2019-nCov.
Iyang tahasan ang chancellor pagtagik sa Oratio Imperata.