CAGAYAN DE ORO CITY- Gideklara sa provincial government sa Misamis Oriental ang state of calamity sa entiro probinsya pagbatok sa coronavirus disease (Covid-19) tapos gipasar ang resolusyon sa sangguniang panlalawigan sa maandam na ang pundo kon ugaling moabot na gyod ang emerhensya nga sitwasyon.
Sa pamahayag ni Provincial Board Member Gerardo Sabal nga ang ilang lakang gihimo subay usab sa abiso ni Governor Bambi Emano aron mapangandaman ang pagpakigbatok pagpatay sa virus.
Tanan nga mga lokal government units sa probinsya ang giabisohan na usab labot niini pinaagi sa Provincial Health Office. Dugang pa ni Sabal, pro-active approach ang ilang gihimo ug dili na kinahanglan nga hulatan pa nga mokuyanap na ang maong balatian ayha pa pangandaman.
Alayon sa nahisgutang lakang ang kapitolyo mamalit sa daghang alcohol ug thermal scanners alang sa nagkalain-laing departamento. Una nang nasayran nga nanghatag na sa thermal scanner ug thermal guns ngadto na sa seaports ug airports sa probinsya ug thermal scanners sa walo ka nga provincial hospitals sud sa probinsya.
Sa pagsulat ning maong taho, tun-an pa karon ni Gov. Emano kon kanselahon ba ang tanang kalihokan sa provibinsya sama sa flag raising ug uban pa nga kalihokan human nakadawat sa advisory gikan sa Davao City nga wala nay kalihokan apil mga school activities sa maong lugar.