Gikan sa 43, nahimo na lang unom (6) karon ka mga indibidwal ang kasamtangang naghome-quarantine ang natala sa task force sa coronavirus disease (Covid 2019) pinaagi sa Barangay Health Emergenc Response Team o Bhert sa syudad base sa record niadtong Marso 9.
Segun sa gibutyag ni Dr. Joselito Retuyo sa City Health Office nga ang unom naka-home quarantine tungod kay gikan kini sila sa pagbiyahe hinuon wala silay sintomas nga sama sa Covid-19.
Nag-awhag usab ang City Health Office ngadto sa mga indibidwal nga dunay kasaysayan sa pagbiyahe sa gawas sa nasud nga dunay mga kaso sa COVID-19 sa pagpailawom sa home quarantine suds a 14 ka adlaw.
Sila nagpahinumdum nga dili magpanic ang katawhan hinuon magbinantayon lang kanunay ug sundon ang mga panghimangno gikan sa hingtungdang ahensya.
Subsob karon ang kampanya sa Department of Health aron mabatokan ang Covid-19 tungod sa paspas nga pagsaka sa kaso sa maong balatian.