Gisugdan sa miaging adlaw, September 12, sa CDO COVID-19 Vaccination Team ang ‘special walk-in’ sa pagpamakuna sa priority groups A1, A2, A3, A4 ug A5 diha sa Limketkai mall ning syudad.
Kini naglangkob sa mga vaccinees nga naka-preregister na ug adunay reference codes, ug sa mga wala pa gyud nagparehistro.
Karong adlawa, padayon ang special walk-in sa Limketkai ug gipahinumduman ang mga interesado nga anaa sa priority groups sa pagdala og valid identification cards ug supporting documents basi sa ilang tagsa-tagsa ka category nga nasakopan.
Nagpahinumdom usab ang vaccination team sa tanan nga ang pagpamakuna alang pa sa nag-edad og 18 anyos pataas nga residente.
Nagpahimangno usab ang CDO Disiplina Muna Team pinaagi ni Antonio Resma Jr. sa katawhan nga mosubay sa minimum health protocols sa tanang vaccination sites aron malikayan ang pagtinakdanay sa virus.
(Source: Cagayan de Oro City Philippines Facebook page)