Cebu City – Nakombinse sa mga stakeholders sa proposed 4th Cebu-Mactan Bridge ang project managers nga ipa daplin lang una ang detailed engineering study (DES) hangtud mahuman ang site visit sa proposed landings ug ang pagpahigayon ug public consultation.
Ang Unified Project Management Office (UPMO) sa Department of Public Works and Highways (DPWH) mi-uyon sa consultant sa Japan International Cooperation Cooperation Agency (JICA) nga mohimo niini sa mosunod nga duha ngadto sa tulo ka semana.
Kini homan ang mga operators sa business establishments nga apektado sa giplanong landing nga mag konekta sa airport road sa Syudad sa Lapu-Lapu mipadayag nga ang DES gipahigayon bisan kon way site inspection ug consultation.
Sa online meeting tali sa mga stakeholders niadtong September 10, 2021, gi-angkon ni Jiichi Ohashi, team leader sa JICA nga misugod sila sa DES sa hinapos nga bahin sa Disyembre sa miaging tuig.
Sa iyang bahin, gireklamo ni Efrain Pelaez, operator sa Marina Mall ang DPWH ug JICA ato sa zoom meeting gumikan sa pagsugod sa DES bisan kon ang ilang mga representanti misaad niadtong Oktubre 22 nga mopahigayon ug ocular sa alternative sites.
Ang iyang grupo uban sa General Milling Corporation (GMC ug Island Central Mall (ICM) mi proposed nga ibutang ang bridge landing sa bakanteng luna sa Barangay Ibo, tunga-tunga sa Shemberg Food Ingredients Corp. ug East Asia Utilities.
Duna kini distansya nga 1.2 kilometros sa gikan sa airport road, diin mo korbada ang Mactan Circumferential road nga mao sab ang location nga gi-uyonan sa kagamhanang lokal sa Dakbayan sa Lapu-Lapu.
Kini matod pa ni Eng’r. Perla Amar, LLC planning and development coordinator.
Sila si LLC Mayor Junard “Ahong” Chan ug ang konseho sa syudad, pinaagi sa resolution nga gi adopt niadtong Marso 4, misupak sa nahisgutang landing area, ug mi proposed nga adto kini ibutang sa Ibo alternative.
Bout sa grupo ni Pelaez nga ang pikas tomoy sa bridge mo konekta sa Umapad sa Dakbayan sa Mandaue within sa area sa proposed landing, o kaha pabor padung sa Tayud ug Cansaga sa Lungsod sa Consolacion.
” To begin with, the whole intention and rationale of the 4th bridge is so that people from North can go directly to the airport, cargo can move faster, especially when open up the new Consolacion port facilities. They don’t have to go into Mandaue and the old bridges, pasabot ni Pelaez.
Samtang gihimug-atan ni Ohashi nga ma usik lang ang nahuman sa iyang team sud sa siyam ka buwan, gitubag kini ni Pelaez nga unsaon man nila pagpadayon nga alang kang Pelaez ang maong study “void” sa site inspection ug public discussion.
Gihimong sanglitanan ni Pelaez ang 3rd bridge diin ang mga sakyanan gikan sa south mo agi sa SRP straight sa Cordova nga dili na ma traffic o maka mugna ug dugang kahoot sa Syudad sa Sugbo ug Mandaue.
“I’m puzzled in my lay man’s mind that you have three bridges coming from Mandaue City. Why add a third in Mandaue when it could come fron Consolacion and serve the north better in the future,” matod ni Pelaez.
Gipahibaw si Eng’r Roberto C. Mendoza, na assigned nga UPMO Project Manager sa detailed engineering sa 4th Bridge nga mo abot si Ohashi gikan sa Japan karong Septembre 18.
Lakip nga mitambong sa September 10 Zoom meeting ang mga representanti sa Cebu Chamber of Commerce and Industry (CCCI) ug ang mga planning officials sa DPWH-7.
(Source: Department of Public Works and Highways, photos courtesy of InfoCebu and CEBU Facebook page | Mark Villar Facebook page)