Cagayan de Oro – Usa ka task force ang gimugna ni Mayor Klarex Uy aron mohimo’g imbestigasyon ug tun-an ang mga posibleng interbensyon sa kagamhanang lokal sa Cagayan de Oro kalabot sa nagpadayong panagbangi tali sa Cagayan de Oro Water District (COWD) ug Cagayan de Oro Bulk Water Supplier, Incorporated (COBI).
Lakip usab sa tahas sa bag-ong gimugna nga Cagayan de Oro Special Task Force for Water Supply and Distribution subay sa Executive Order No. 109-2024 nga gipagula sa mayor mao ang paghimo og imbentaryo sa tinubdan sa tubig kon ‘alternative water source’ sa syudad, ug pag-umol og usa ka contingency plan, ilabina kung ugaling adunay mahitabo nga ‘massive water supply disruption’ sa Cagayan de Oro.
Mismo si Mayor Klarex Uy ang nangulo sa task force isip chairman ug Majority Floor Leader Edgar Cabanlas isip co-chairman.
Ang special task force gimugna sa mayor human mibahad ang COBI nga undangon pag-supply sa tubig ngadto sa COWD kung dili mahatagan og kasulbaran ang matud pa hapit tunga sa bilyon nga balayronon sa COWD ngadto sa COBI.
Source: Cagayan De Oro City Information Office Facebook PageÂ