- Advertisement -
Isinusulong ni Senador Bong Go ang pagkakaroon ng special session sa Kongreso.
Ito, ayon kay Go, ay upang maaprubahan ang panukalang supplemental budget para sa pagtugon ng gobyerno laban sa krisis na dulot ng coronavirus disease 2019 (COVID-19) sa bansa.
Irerekomenda niya aniya ito kay Pangulong Rodrigo Duterte sakaling hindi sumapat ang kasalukuyang pondo para rito.
Magugunitang aprubado na ng House Committee on Appropriations ang P1.6-bilyong pondo para tugunan ang pagkalat ng virus, ngunit bigong maipasa ng Kongreso bago ang kanilang Lenten break.
March 12 pa nang magrecess ang kongreso at nakatakdang magpatuloy ng kanilang sesyon sa darating pang May 4.
- Advertisement -
