DAVAO DE ORO – Nagmalapuson ang Provincial Government sa Davao de Oro, Office of the Provincial Social Welfare and Development kauban ang MSWDO sa pagpahigayon sa social protection program pinaagi sa psycho-social services.
Nakadawat ang kapin 489 ka mga bata gikan sa Barangay Manat sa Nabunturan ingon man Barangay Cabinuangan sa New Bataan kinsa mga biktima sa linog.
Ang maong programa nakatabang sa mga bata nga maibsan ang ilang nasinating stress ug trauma sa sunod-sunod nga kalamidad nga nahitabo sa probinsiya.
Samtang mihimo sab og Psychosocial First Aid (PFA) ang DepEd Division Davao de Oro, Youth formation, nurses, and Disaster risk reduction coordinators ngadto sa mga estudyante sa Katipunan, Mainit, Manat Elementary School ug Andap, Pagsilaan National High School.
(Camille Santos Naraga) (Source: PSWDO & DepEd DdO)
