DAVAO CITY – Sikop usa ka tricycle driver human gikasa sa Mandug Police Station 13 ang drug-bust operation sa Kilometer 15, Purok Santo Niño,Barangay Indangan, Buhangin District, Davao City.
Giila ang dinakpan nga si Marvin Maravilla Cuizon, 20 anyos, tricycle driver ug residente sa Carmelite Road, Hillside, Block 10, Barangay San Jose, Buhangin ning syudad.
Subay sa report sa kapulisan, unang napalitan ang suspek og 3 gramos sa marijuana ug 500 pesos marked money.
Dugang niini, nga nakuhaan pa og laing sachets nga adunay sulod sa marijuana ug mokantidad kini sa kapin 5,000 pesos.
Apil usab sa nakuha sa mga pulis ang cellphone, motorsiklo ingon man sidecar.
Sa karon, himas rehas ang suspek ug posibling magatubang sa kasong paglapas sa RA 9165 o Comprehensive dangeroud drug Act of 2002.(Camille Santos Naraga) (Source: Mandug PS13/ PIO PRO-XI)