Nadakpan ug gipriso ang sikat nga vlogger sa Sugbo nga si Ronie Suan, 25- anyos, mas nailhan nga Boy Tapang, human kini gikasuhan sa pagpangulata sa iyang kapuyo nga si Cristina, 21-anyos, sa Barangay Daanlungsod, Alcoy, Cebu, pasado alas-12 sa kadlawon niadtong Abril 1, 2025.
Sumala sa taho sa Alcoy Police Station nga personal nga nireport sa kapulisan si Cristina nga dunay mga bun-og sa lawas, ilabi na sa dapit sa iyang gusok, tungod sa pagpangulata sa suspek.
Matod pa, nagsugod ang panaglalis sa dihang nakit-an ni Boy Tapang ang usa ka vape sa mga gamit sa biktima, nga miresulta sa init nilang panagbangi ug pagpangulata.
Sa imbestigasyon, gibutyag ni Cristina nga dugay na siyang giabusohan sa vlogger bisan pa sa iyang pag buntis.
Ang vlogger nga si Boy Tapang naila sa iyang mga content kay mukaon kini bisag unsa ug bisan hugaw pa.
Sa pagkakaron padayon gibarugan sa biktima nga mupasaka og kaso ubos sa RA 9262 o Anti-Violence Against Women and their Children Act of 2004 batok sa kaipon niini.
I via Renante Socia Lada