Usa ka trahedya ang nahitabo sa Sitio Lemon, Barangay Ibabao, Mandaue City, diin usa ka 5 anyos nga batang lalaki ang namatay human natumbahan sa dakong punoan sa buli.
Ang biktima giila Mandaue City Police Office ( MCPO) nga si Christian Quilong-Quilong Quilaton Jr., residente sa 6.5 Zone Ahos, Paknaan, Mandaue City.
Sumala sa inisyal nga imbestigasyon, nahitabo ang insidente pasado alas-4:05 sa hapon, Abril 1, 2025. Diin nagdula ang biltima sa maong lugar nga kalit natumba ang buli. Maayong pagka igo sa bata na maoy hinungdan sa grabing kadaot sa iyang lawas.
Matud sa mga nakasaksi, wala nila damha nga mahitabo ang kakuyaw nga insidente, ug walay bisan kinsa ang nakaagpas sa peligro nga naghulat sa maong bata. Gidala dayon siya sa pinakaduol nga tambalanan apan napakyas ang mga doktor sa pagluwas sa iyang kinabuhi.
Ang mga awtoridad sa Mandaue City nagpadayon sa ilang imbestigasyon aron mahibal-an kung adunay kapabayaan nga nahitabo ug kung kinahanglan bang ipahigayon ang dugang nga aksyon aron malikayan ang susamang panghitabo sa umaabot.
I via Renante Socia Lada