Ang Kagamhanang lokal sa dakbayan sa Dapitan nitanyag ug libreng Pagbansay/Workshop sa Sports, Performing Arts ug Visual Arts alang sa mga kabataan pinaagi programa sa Serbisyo Bilis Para sa mga Bata Year 3!, Abril 2,2025, didto sa ground floor ug sa Amphitheatre sa Government Center sa Dapitan.
Ang maong kalihokan gidumog sa mga ginikanan ug mga bata alang sa Rehistrasyon ug pag Enrol diin kini alang usab karong Summer 2025.
Tumong niini mao ang mapuslan sa mga kabataan ang kalihokan atol sa ilang school break,diin pinaagi niini mapagawas sa matag bata ang ilang potensyal nga maghulma kanila,ug mabalhin ang ilang pagtagad ngadto sa ilang pagpalambo sa palakasan ug uban pang kalihokan.
Dugang pa, kini nga programa usa ka tinuig nga kalihokan ubos sa tulo ka tuig nga pagdumala sa Mayor sa dakbayan sa Dapitan nga si Mayor Bullet Jalosjos nga pinaagi sa maong programa mahatagan ang mga kabataan ug importansya.(Medalyn U. Borja)
Source: City Government of Dapitan