- Advertisement -
Tiniyak ng Department of Interior and Local Government (DILG) na matatanggap sa Setyembre ni Pang. Rodrigo Duterte ang shortlist ng susunod na PNP Chief.
Ito mismo ang tiniyak ni DILG Sec. Eduardo Año kung saan sinabi nitong wala pa namang lumulutang na pangalan sa kung sino ang susunod na hepe ng pambansang pulisya.
Nakatakda na kasing magretiro si PNP Chief General Francisco Archie Gamboa sa darating na Setyembre 2.
Una rito, sinabi ni PNP Spokesman Brig. General Bernard Banac na ang mga police official na may ranggong mula Police Brig. General ang kuwalipikadong umupo bilang pinuno ng PNP.
- Advertisement -