Kiniddaw ti Sanguniang Panlalawigan iti panangidaulo ni Bise Gobernador Cecilia Araneta Marcos ken ni Pres. RodrigoDuterte a maideklarar ti Septiembre onse a kasangay daydi Pres. Ferdinand Edralin Marcos nga Special Non-working Holiday.
Naisaguday daytoy iti resolusion a nagkaykaysa nga inaprobaran dagitoy kabayatan ti regular session.
Basar ti Probincial Resolution No. 2020-08-178, mabigbig ti nasao nga aldaw a pres. Ferdinand Edralin Marcos Day.
Mainaig daytoy, inammo ni Sang. Panlalawigan Member Atty. Da Vinci Crisostomo ken ni Senoir Sang. Panlalawigan Member Dr. Medeldorf Gaoat ti pagdurdur-asan ti kiddawda ken ni Cong. Angelo Marcos Barba a panangipasana ti gakat idiay kongreso a mangideklarar iti nasao nga aldaw nga special non-working holiday tapno saanen a kasapulan a tinawen a kiddawen ti probinsia daytoy a banag iti president.
Pakaseknan daytoy, imbatad ni Gaoat a basar iti kaudian nga inpormasion ket pimmasan iti maikadua a pannakibasa ti gakat nga inisponsoran dagiti tallo a diputado ditoy probinsia. (Ronald Domingo, RPN DZRL Batac Anchor)
(Source: Provincial Government of Ilocos Norte)