Senyales ng posibleng malakas na pagsabog ng Bulkang Taal ibinabala ng PHIVOLCS

Mayroon pa ring pag-galaw ng magma sa loob ng Bulkang Taal.

Ito ang binigyang diin ng PHIVOLCS matapos na maitala ang mga volcanic earthquakes sa Bulkang Taal.

Batay sa pinakahuling monitoring ng PHIVOLCS, ibinabala ng PHIVOLCS na senyales ng posibleng malakas na pag-putok ang mga naitatalang volcanic earthquakes sa Bulkang Taal.

Simula noong pumutok ang Bulkang Taal noong linggo, Enero 12, pumalo na sa 653 ang mga naitalang volcanic earthquakes.

Sa ngayon, nakataas pa rin ang alert level 4 sa Bulkang Taal na nangangahulugang may napipinto pa ring mapanganib na pagsabog.