Saanen a pagbayaden iti utang dagiti mannalon a benepisiario iti agrarian reform tapno saan da nga agrigat ken masigurado iti supply ti taraon ita ta adda iti kangitingitan iti krisis ti pagilian gapu iti COVID-19.
Daytot ti impasingked ni Senadora Imee Marcos, Chairman iti Senate Committee on Economic Affairs.
Itantandudu ni Sen. Marcos nga iraman iti Bayanihan ti Recover as One ACT wenno Bayanihan 2 ti probision tapno saanen a bayadan dagiti mannalon ti utang da iti bangko.
Karamanen ditoy iti principal amount, interest ken penalty kadagiti inutang da a pananggatang ti taltalonen da a dag akas maibasar iti banking law ken regulasion ti Bangko Sentral ng Pilipinas.
Napanunutan daytoy ni Senadora Imee Marcos tapno saanen nga ad-adda nga agrigat dagiti mannalon nga agpataud kadagiti nayon pay a kasapulan ti panagtalon malaksid kadagiti nga ayuda ti Dept. of Agriculture kadagiti amin a mannalon iti intero a pagilian.
(OIC Rod G. Sadian, RPN DZRL Batac)
           Â
(Source: Provincial Government of Ilocos Norte/ Communications & Media Office)