Nagballaag ni senador Imee Marcos a sumangsango ti gobierno iti dakkel a problema iti “mass vaccination program” kontra ti Covid-19.
Daytoy ket agsipud ta kaaddoan a Filipino ti agpangpangngadua pay laeng nga umawat iti bakuna.
Mainig iti daytoy, imbatad ti senador a masapul a ti umuna nga aramiden ti gobierno ket ti panangallukoy kadagiti Filipino nga bakun.
Kunna a nasken a magutigot ti tunggal maysa nga agpabakuna para iti salun-at ken seguridad ti pamilia ken dagiti papagayam.
Segun kenkuana, masapul a agpabakuna a dagus iti ania man a bakuna kontra ti COVID-19 nga inaprobahan ti FDA.
Imbatad na nga adu ti madanagan iti saan a nasayaat nga epekto ti nasao a bakuna.
Nupay kasta, impetteng ti senador a no adda man ket bassit laeng ken napegpeggad ti pangta ti inpeksion.
Inlawlawag na nga ania man a plano ti panagbakuna ket agsuek iti uppat a pulo ket innem agingana iti upat a pulo ket pito a porsiento dagiti Filipino nga agkedked nga agbakuna iti kontra COVID no awan ti maaramid a seryoso a kampania.
Inbunannagna a tapno maaddaan ti publiko ti positibo a reaksyon iti bakuna, masapul nga ilawlawag ti gobierno ti maipagarup nga “indemnification policy” ken no kasano ti pannakabusbus ti lima a gasut a million a pisos a budget para iti daytoy a ganuat.
Kuna pay ni Marcos a kasapulan ti gobierno ti naag-agresibo a kampania babaen kadagiti mabigbig nga inpluensiado a tattao manipud iti health sector wenno showbiz.
Innayonna a mabalin pay a mangipaay ti pribado a sector ti insentibo kadagiti empleado da bayat ti panangbigbig iti waya dagitoy nga agdesisyon no agpabakuna da wenno saan.
(Irene Ringor, RPN DZRL Batac Correspondent)
(Source: Provincial Government of Ilocos Norte)