Pila ka higayon nga misaka sa entablado si Governor Bambi Emano aron modawat og nagkadaiyang proyekto, assistance ug mga certificates atol sa panagtigom sa National Task Force to End Local Communist Armed Conflict (NTC-RTC-ELCAC) nga gitambongan mismo ni Presidente Rodrigo Duterte niadtong Marso 5, 2021 adlaw nga Biyernes sa USTP Gymnasium, dakbayan sa Cagayan de Oro.
Usa lamang si Governor Bambi sa dinapit nga bisita gikan sa rehiyon nga mitambong sa dakong panagtigom kon diin ang kalihokan nagtumong aron ireport sa Regional Task Force ELCAC ang mga kalamboan ug mga natunol nga programa sa gobyerno dinhi sa Rehiyon.
“Naa si Governor Bambi nga 100 percent gyod ang support sa ELCAC,” pagdayeg ni PCOO Secretary Martin Andanar atol sa kalihokan.
Gipasabot sa National nga kagamhanan nga si Gobernador Bambi na ang masayod ug mahibalo sa pag-apod apod ngadto sa mga konstituente sa mga proyekto, assistance nga nadawatan.
“You will be receiving a lot of assistance, certificates, checks for the project coming from the different National Agencies for the benefits of your constituents.”
Kuyog si Governor Bambi nga midawat sa dul-an P1 milyon nga tseke gikan sa National alang duha ka mga former rebels gikan sa lalawigan nga mibalik na sa sabakan sa gobyerno
Unang gidawat sa amahan sa lalawigan ang fisheries and livelihood projects gikan sa Bureau of Fisheries and Aquatic Resources (BFAR) ug assistance gikan sa Department of Agriculture alang sa Geographically Isolated and Disadvantaged Areas (GIDA) sa lalawigan.
Gidawat sab ni Governor Bambi ang Certificate of Land Ownership Award gikan sa Department of Agrarian Reform (DAR).
Gawas niini nakadawat ang lalawigan og Certificate gikan sa Department of Science and Technology alang sa rollout sa complementary food technology ug provision of immediate intervention ngadto sa Higaonon community sa Sitio Kamansi sa lungsod sa Lagonglong nga mokantidad og P155,590.
Gidawat usab ni Governor Bambi ang mga certificates gikan sa buhatan sa Department of Public Works and Highways (DPWH) ug gikan sa Department of Information and Communication Technology (DICT) alang sa mga dagkong proyekto sa lalawigan.
Midawat usab si Governor Bambi og Certificates of Commitments for sustainable livelihood program gikan sa buhatan sa Department of Social Welfare and Development (DSWD) ug buhatan sa TESDA alang sa skills and livelihood training alang sa residente sa lalawigan.
Ang proyekto ug mga assistance nga gikan sa National nga panggamhanan ang malipayon nga gidawat ni Governor Bambi kagahapong adlawa ug gumikan sa dayag, tiunay ug sinsero nga panerbisyo niini siguradong mapaabot kini sa mga residente ug matagamtaman ang proyekto sa tibouk Misamisnon.
(Provincial Information Office – MisOr)
