Un incidente de tiro el ya ocuri del ayer petsa deci syete en este mez na Ciudad de Lamitan Basilan pasada alas dose del medya dia.
Base con el report del Lamitan CPS, un concierne persona el ya llama na diila estasyon y ya reporta con el incidente.
Invuelto na mencionao incidente el dos biktima quien asegun un pasahero y driver de van, y dos riding in tandem.
Con el dos biktima ya konose como si Ahmad Samat y Pilmin, veinte seis años de edad, kasaw cin trabaho y residente de Brgy. Sabong, amo asegun el pasahero y si Samer Rasad y Ibrahim, trenta’y otso anyos de edad kasaw, y residente de Albarka Municipality Basilan, amo asegun el driver.
Mientras el dos suspechao riding in tandem ya sale desconocido. Asegun con el report, el pasahero para andada na Albakar Municipality cuando ya supla kanila de tiro el dos maga desconocido persona.
Cuando ya llega el maga personahes del Lamitan CPS, derepente ya lleva core na serkano hospital y ya dale aviso el maga physician que evacua para aki na ciudad por el mas de medikasyon.
Ademas, el suspechao ya pwede asegun core na desconocido direksyon. Este maga tiempo el Lamitan CPS ta continua conduci hot pursuit operation contra con el maga suspechao. (Erica B. Javier)