30 C
Manila
Friday, March 29, 2024

Scholarship Program Para Iti Doctor Of Medicine, Maipatungpalen Iti Masungad Nga “Academic Year”

- Advertisement -

Nailatang ti Dakkel a pundo para iti Scholarship program ti gobierno probinsial iti tawen 2021 iti babaen ti liderato ni Gob. Matthew Marcos Manotoc.

Daytoy ti siraragsak nga inpakaammo ni Atty. Saul Lazo, chairman ti committee on Education ti Sang. Panlalawigan.

Segun kenkuana, karaman ditoy ti pannakaipatungpalen ti Scholarship program para iti Doctor of Medicine.

Inlawlawagna  a naipaayan ti dakdakkel nga oportunidad  dagiti agaplikar iti daytoy a programa dagiti mangal-ala iti kina-medisina kalpasan a nanayunan ti bilang dagiti maala nga iskolar.

Impalgak ni Lazo a kalpasan a sanga gasut a porsiento a nakapasa dagiti nakipaset iti Physician Licensure Examination wenni Physician Board Exam a nagadal iti Mariano Marcos State University.

Inbunannagna  a manipud iti dati a dua nga iskolar iti kada year level ti maiyalokaran ti pundo ket nagdouble wenno napagbalin nga uppat.

Mainaig iti daytoy, imbatadna a manipud iti dati a walo nga iskolar ti maala iti tinawen ket napagbalin a sangapulo ket innem iti kada tawen.

Pinasingkedanna, nga iti masungad “academic year” ket mangrugin a maipatungpal ti nasao nga a programa.

Mangnamnama ni Lazo nga agtultuloy ti panagbalin a doctor dagiti agbalin nga iskolar ti probinsia tapno dagitoy ti tumulong a mangtagiben iti nasayaat a salun-at dagiti kailian

Innayonna a daytoy ti maysa kadagiti kangrunaan a rason a napanunutanda nga opisial ti probinsia iti panangidaulo ti gobernador a maipatungpal ti scholarship program para iti Doctor of Medicine gapu iti panagkurkurang dagiti doctor ditoy probinsia.
(Irene Ringor,  RPN DZRL Batac Correspondent)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -