Cagayan de Oro City – Ang mga pribadong kompaniya gilauman sa pag-prioritize sa vaccination sa ilang mga kawani sa higayon nga maplastar na ang pagpang-apod-apod niini pinaagi sa food and drug administration, matud ni Mayor Oscar Moreno.
Matud sa Mayor, ang City Hall kinahanglan nga motabang sa mga negosyo sa pagrecover sa Covid-19 pandemic aron mas modaghan pa ang mga investors nga madasig sa pagbukas sa ilang negosyo sa Cagayan de Oro. Sayo niini, gisugilon ni Moreno nga ang local government makapa attract sa mga investors pinaagi sa pagbaton sa lower case count, pagsunod sa lig-on nga public compliance sa health protocols ug ang stable, efficient health care system.
Gidugang pagsugilon ni Mayor Moreno nga gikinahanglan sa City Hall ang paggahin sa pundo aron sa pagkuha ug distribute sa Covid-19 vaccines ngadto sa mga benepisyaryo nga libre. Mao nga ang local nga kagamhanan, sumala pa niya naningkamot pagbuhi pagbalik sa ekonomiya nga dili mosakripisyo makarecover pinaagi sa pagtabang sa syudad.
(Gin Serohijos, RPN DXKO CdO OIC | City Information Office)