Nagtatag ng dalawang permanenteng tanggapan ang Korte Suprema sa layong mapatatag ang integridad at malabanan ang korupsyon sa hudikatura.
Pangunahing trabaho ng mga nasabing tanggapan na magsagawa ng lifestyle check at umaksyon sa mga reklamo laban sa mga tiwaling mahistrado, hukom, court officials at mga empleyado ng korte.
Ayon sa PIO ng Korte Suprema, inaprubahan ng high tribunal ang rekomendasyon ng technical working group na magtatag ng Judicial Integrity Board (JIB) at Corruption Prevention and Investigation Office (CPIO).
Pinaboran din ng SC justices ang pag amiyenda sa ilang probisyon sa rule 140 ng rules of court para maisama sa JIB at sumasakop sa discipline of judges of regular and special courts, justice ng Court of Appeals, Sandiganbayan, Court of Tax Appeals, court administrator, deputy court administrator at assistant court administrator.
Ang JIB ay binubuo ng chairperson, vice chairperson at tatlong regular members na itatalaga na may terminong tatlong taon ng walang reappointment.
Samantala, ang CPIO ay inatasang mag imbestiga o magsagawa ng intelligence, surveillance o entrapment operations o lifestyle check para ma detect at matukoy ang mga mahistrado ng Court of Appeals, Sandiganbayan, CTA, hukom sa mababang korte kabilang ang Shariah courts at mga opisyal at empleyado ng Office of The Juris Consult, court amdinistrator, deputy court administrator, assistant court administrator at kanilang mga tauhan.