General Santos City – Pabiling nagpanguna ang Barangay San Isidro sa adunay pinakataas nga active Covid patients sa General Santos City.
Sa gipagula nga datus ni City Health Officer ug Local-IATF Incident commander, Dr. Jett Gajete-Oco, milangkob og 19 percent sa kinatibukang kaso sa siyudad ang gikan sa maong barangay.
Gawas sa San Isidro, natala usab ang daghang aktibong pasyente sa mga barangay sa Lagao (183); Fatima (91); City Heights (89); Labangal (72); Calumpang (51); Apopong (49); Mabuhay 34 ug Barangay Buayan nga adunay 30 nga active patients.
“Those barangays are contributing 80 percent of all our cases in the city,” ang tipik sa pamahayag sa opisyal atol sa regular session sa Sangguniang Panlungsod.
Una nang gikumpirma sa opisyal nga nagpabilin sa “high risk” status ang siyudad sa natala nga Covid-19 cases.
Butyag pa ni Dr. Oco, anaa sa 13.76 percent ang average daily attack rate (ADAR) sa GenSan therefore we are at high risk.