MISAKA na sa napulo ka sakop sa CPP-NPA o mga rebelde ug walo (8 ) ka high-powered firearms ang nakumpiskar gikan sa armadong grupo human sa gilunsad nga Focus Military Operation pinaagi sa Battlefield Air Interdiction kon air attack sa 8th Infantry Battalion ubos sa operational control sa 403rd Brigade sa Sitio Kiito, Brgy. Can-ayan, Brgy. Kibalabag ug Brgy. Kulaman, Malaybalay City, Bukidnon kaadlawon sa pasko Dec. 25, 2023.
Sa mga namatay, unom (6) niini ang lalaki samtang tulo (3) ka babaye.Matod ni Army Major Gen. Jose Maria Cuerpo nga tulo sa namatay mga babae ug gisusi pa kung dunay taas nga opisyal nga nalakip sa maong casualty.
Giingong gawas sa mga patayng-lawas nakakumpiska usab ang mga sundalo og walo ka mga armas.
Hisayran nga karong adlawa magsaulog sa anibersaryo ang walhong grupong CPP-NPA-NDF.
Base sa gipagawas nga report, giingong nakadawat og report ang militar sa plano sa CPP-NPA Terrorist nga magmugna’g kagubot sa katawhan ug sa government patrol bases nunot sa ilang commemoration sa 55th Founding Anniversary.
News and photo by Cheleste Simene