General Santos City – Padayon ang paghatag og accessible health care sa Philhealth pinaagi sa konsulta package program. Sa GenSan, gipahigayon sa Philhealth ang road show alang sa Konsulta programa nga gidagsa sa mga residente sulod sa usa ka mall.
Matud ni Dr. Kathleen Pesante, general practitioner sa usa ka pribadong ospital, sagad sa nagpakonsulta niya ang dunay kalabutan sa non-communicable diseases. Kini dungan sa pagka-edad na, unhealthy lifestyle ug uban climate change nga nasinatian. Ang sakit nga nagpakonsulta kanila sama sa sa asthma, diabetes, hypertension, ug uban pa.
Matud ni Dr. Hector Zenon Leonardo Malate, Philhealth-XII acting regional vice president, ang maong reporma ang nakita nilang makatabang sa kalambuan sa health care system sa nasud. Tumong sa Konsulta package ang modaghan ang maka-aksis sa primary care ug masiguro ang financial protection sa tanang Pilipino.
Dugang ni Malate punting nila ang mahatagan ang matag Pilipino sa ilang mapili nga PhilHealth Konsulta provider, ilawom sa Universal Health Care Law.