Usa ang nakalas ug usa ang naangol human nadasmagan sa multicab ang duha ka mga lalaki na hubog.
Nahitabo kini Dominggo sa kadlawon, Marso 24, 2024, didto sa Barangay Tulic, lungsod sa Argao, probinsya sa Sugbo.
Ang biktima na nakabsan sa kinabuhi mao si Nelson Sardido Pantojon, 42 anyos, taga Barangay Kalagasan, sa mao ra nga lungsod.
Ang naangol naila usab na si Marlon Lamba Legorio, 34 anyos, taga lungsod sa Malabuyoc, Sugbo.
Giila usab ang suspetsado na driver sa multicab na mao si Ruel Artes Embrado, 6O anyos.
Sa inbestigasyon sa Argao Municipal Police Station nasayran na samtang naglakaw ang duha ka mga biktima na nakainom kalit silang nadasmagan sa multicab.
Sa kakusog sa impact nahampak ang mga biktima diin usa kanila nakalas.
Sa pagkakaron padayon ang inbestigasyon ug gitanggon usab ang suspetsado na driver. (Renante Lada)