Cebu City – Gitataw ni Cebu City Mayor Edgardo Labella nga walay special treatment nga ihatag sa mga malapason sa balaod bisan sa iyang mga dumadapig.
Mao kini reaksyon ni Labella sa statement sa CCPO o Cebu City Police Office nga ilang ikeha ang kapin sa usa ka gatos ka sakop sa “Edlab riders” nga nagtapok sa Plaza Independencia niadtong Nob. 8.
Sa nasayran, nagbalik-balik na ang mga Netizens pag-post sa maong events nunot sa mass gathering sa tindahan og sapatos sa Lahug nga giimbestigar na sa kagamhanang local.
Gani, nakaingon pa ang mga netizens og unfair treatment sa duha ka insidente kay morag wala tagda ang tapok-tapok sa Edlab Riders.
Suma pa ni Mayor Labella, suportado niya ang imbestigasyon sa kapolisan aron makahigayon usab pagpatin-aw ang mga riders.
Gipasabot ni Labella nga ang mga miyembro sa riders group mga boluntaryo gikan sa pipila ka barangay nga nagpaluyo sa una niyang termino pagka mayor.
Apan bisan iya kining mga lumalaban, matod sa mayor, dili kini exempted sa balaod busa mahimo silang ipangkeha sa CCPO kon makahimog kalapasan.
(Jhon Tadlip /JTY, photo courtesy by John Lloyd Pepino)
(Source: Cebu City Provincial Information Office)