Cagayan de Oro City – Gidid-an ang mga biyahador gikan sa syudad sa Cagayan de Oro ug probinsya sa Misamis Oriental nga makasulod sa dakbayan sa Iligan tungod sa gipatumang modified Enhanced Community Quarantine o MGCQ sa maong dapit gumikan sa taas nga pagsaka sa lokal transmisyon sa Covid-19 virus.
Matud pa ni Iligan City Information Officer Joe Pantoja nga limitado usab ang paggawas karon sa ilang mga residente kon way importanteng katuyuan tungod sa kadelikado nga dala sa maong virus. Una niini nasayran nga bisan si Iligan Vice Mayor Jemar VeraCruz ug Iligan City Councilor Noli Pardillo ang apil sa nagpositibo sa bayrus.
Samtang sa pikas bahin, gimando karon ni Mayor Oscar Moreno sa dakbayan sa Cagayan de Oro nga lig-onon pa ang kapasidad pag-atiman sa mahidangat nga locally stranded individuals ug returning OFWs dinhi sa syudad apil na sa dakbayan sa Iligan. Kini sa pagtuo nga hayan dad-on sa taga Iligan ang address nga Cagayan de Oro aron lamang sila makapauli.
Sa kabahin sa National Economic and Development Authority o NEDA-10 pinaagi sa Assistant Regional Director Leonila Cajarte nga dakog epekto sa rehiyon ang nahitabo karon nga pagpahimutang sa Iligan City sa MECQ sud sa usa ka bulan ilabi na sa economic operations niini. Nasayran nga moabot sa mil dos sientos baynte dos o 1,222, ka mga trabahante sa region 10 ang nawad-an sa trabahao tungod sa permanenting pagsira sa 45 ka mga business establishments gumikan sa epekto sa economic recession sa nasud. (City Information Office)