Cebu City- Pito na ka molecular laboratory sa Sugbo ang accredited sa paghimog test sa coronavirus disease o COVID-19 hangtod gahapon.
Ang report nga giisyo sa DOH o Department of Health nagpakita nga uwahi nilang gisertipikahan ang usa ka molecular lab sa Mandaue City alang sa coronavirus test gamit ang real-time polymerase chain reaction o RT-PCR techniques.
Kini mao ang molecular lab sa University of Cebu Medical Center o UCMed.
Una niini, gi-accredit usab sa DOH ang COVID-19 testing facilities sa brgy. Jagobiao, Mandaue City nga gipadagan sa Philippine Red Cross ug laing pribadong ospital.
Ang tanang certified COVID-19 laboratories sa rehiyon 7 pulos ania sa Cebu.
Gawas sa tulo, ang laing upat ka molecular lab anaa sa VSMMC o Vicente Sotto Memorial Medical Center, Cebu TB-Reference Laboratory sa DOH 7, Allegiant Regional Care o ARC Hospital sa Lapulapu ug Prime Care Alpha COVID-19 testing laboratory sa tugpahanan sa Maktan.
Nunot niini, ang Pilipinas aduna nay 90 ka accredited COVID-19 testing facilities.
Apan aduna pay 179 ka pending applications para sa accreditation sa DOH ug sa RITM o Research Institute of Tropical Medicine. I
via Jhon Tadlip/ JTY