Ad-adalen ti Regal Films ti umay agaramid ti pelikula ditoy probinsia.
Daytoy ti inrakurak ni JP Cerezo iti Media Incentive Desk ti Communications and Media Office iti gobierno probinsial
Imbatadna a manamnama a dagiti sikat ken mabigbigbig nga artista dagiti mangbukel iti aramiden dagitoy a pelikula.
Inlawlawagna a karaman ditoy da Lovie Poe, ken ni Carlo Aquino.
Impalgakna a ti maaramid a pelikula ket “digital movie” ken saan a kas iti kallabes a maipabuya laeng kadagiti pagsinian.
Segun ken ni Cerezo, napintas daytoy nga oportunidad a pakaitampukan dagiti napipintas a lugar ditoy Ilocos Norte.
Innayonna a daytoy a bulan ti Hulyo ti manamnama a pannakairugi ti nasao a pelikula.
(Cita Macalipis, RPN DZRL Batac Correspondent)
(Source: Provincial Government of Ilocos Norte)