Cebu City – Duha na ka sakyanan ang natagak ug nasud sa lungag alang sa drainage project daplin sa karsada nga taud taud nang gitrabaho sa Department of Public Work and Highway (DPWH) sa Bliss, Barangay Pajac, Syudad sa Lapu-Lapu.
Kagahapon, Hulyo 10, 2021, usa ka tricycle ang nga mi-agi sa lugar ang bag-ong insidente nga nahitabo.
Gikagool ni Lapu-Lapu City Mayor Junard Chan ang nahitabo sa tricycle driver nga sa gitrabahong drainage project sa DPWH sa nahisgutang lugar.
Basi sa naabot nga report ngadto ni Chan, nabali ang bukog sa maong driver ug anaa na karon sa tambalanan para mag paayo.
Natandog ang mayor sa sitwasyon sa driver kinsa igo ra unta nga nanginabuhi.
“Dugay na nakong gipanawagan ang DPWH nga mapadali ang pagtrabaho niining dalan sa Pajac. Bag-o lang gani tamo gipatawag sa opisina kadtong adunay awto nga natagak. Dili pwede nga magpaabot ta nga naa
na poy kinabuhi nga mabutang sa peligro. Di ko mosugot nga ang maalaot niini kay ang mga katawhang Oponganon tungod sa iyang pabaya,” mensahi ni Chan.
Gibutyag niini nga dugay na niyang gipasidan-an ang ahensya nga tutokan gyud ang contractor nga nagtrabaho ana kay taod taod na sab na nga proyekto;
Daghan na ang nabutang sa kahasol ug karon mas misamot pa kay aduna nay naangol.
“Usbon ko, palihug lang intawon, ipadali ang pagpahuman niining proyekto. Kung dili man gani mapadali ang paghuman, atleast man lang, pagbutang og saktong barrier para dili dali matagak ang atong mga motorista. Dili ko gusto nga maabot sa punto nga ipaabot nako sa nasyonal ang problema,” subling awhag ug panawagan ni Chan. (Jhon Tadlip)
(News & photos courtesy of Junard Chan)